Udako azken kontzertua eskaini genuen egun berean, irailaren 14an, geure taldearen inguruko erreportajea argitaratu zuen GARA egunkariak. Argitaratze data geroztik, denbora pasa bada ere, zuekin partekatu nahi genuen Euskal Herriko irakurle guztiek irakurgai izan zuten lana. Titularra, argi eta zehatza: “Erromeria kontzeptua irauli egiten du Oxabi taldeak”.

Oxabiko ordezkari, elkarrizketa egin zion egunkariko kazetariak taldeko abeslari den Jon Gomezi eta hainbat kontu izan zituzten mintzagai: taldearen iragan eta oraina, eskaintzen ditugun online casino formatuak, euskal kulturaren egoera eta aurrera begirako erronkak. Errepaso ederra orrialde osoko testuan argitaratu zutena. Eskerrik asko!

Erreportajea

osorik irakurtzeko egin klik hemen.

Udako azken kontzertua. Azkena eta berezia!

Hitz horiekin nahikoa genuke 2013ko uda “gogor” baina ederra agurtuko duen kontzertua deskribatzeko. Berezia azkena delako, noski, geu ere are bereziagoa egiten saiatuko garelako eta hori gutxi balitz, Galdakaon delako.

Geure herrian jotzeak (Gernika ahaztu barik) beti izango du xarma berezia: etxean egongo gara, lagunen artean, geure kontzertuetara joan ezin duten horien ondoan izango garelako… eta beraz, aitzakia barik, galdakoztar guzti horiek hurreratuko diren esperantza dugulako. Urte amaiera arte atsedenalditxo bat hartuko dugu. Baina geldirik ez gara egongo, ikuskizuna berritzen joango garelako bien bitartean… Badugu nondik hasi!

Horregatik da ezin bereziagoa udako azken kontzertua, ez genukeelako inor agurtu nahi eskerrak eman barik. Eta norbaiti eskerrak eman behar badizkiogu, galdakoztarrei da: goazen tokira goazela, beti herriko ordezkaritza zabala hor dagoelako. 2013ko udako azken kontzertua, izan bedi zuentzat!

Laster arte!

Aurtengo Bilboko Aste Nagusian, 2013ko abuztuaren 25ean, Kaskagorri konpartsako agertokian eskaini genuen erromeriako bideo berriak argitaratu ditugu hemen eta geure Youtube-ko kanalean. Ikusi, gozatu eta partekatu

zeure lagunekin!