Elkartasun kontzertua Gernikan!
Atzo prentsaurrekoan aurkeztu genuen minbizia duten haurren alde eta «Gu be zuek gara» lemapean La Cuadri Del Hospirekin batera maiatzaren 20rako antolatu dugun jai eta kontzertu solidarioa!
Iazko jaia zoragarria izan zela ikusita, aurten kontzertu berezia egiteko eskatu ziguten, eta horretarako zer hoberik lagun bereziz elkartzea baino! Gure artean izango dira Gatibuko Alex eta Haimar, Vendetta taldeko Pello Reparaz, Hesian taldeko Zuriñe eta Fran, Txapelpunkeko Iñigito, En Tol Sarmientoko Iñigo, Betagarri taldeko Iñaki, Revolta Permanenteko Iker Villa, Enkoreko Xabi Hoo, Gozategiko Asier eta Iñigo, Maren, Dientes de Luna taldeko Iturbe, Unai eta Aimar… Eta ostean Txurru eta Oihan Vega!!!
Esperientzia zoragarria izango da, bazatoz?
Batutako diru guztia tratamendu onkologikoan dauden haur, nerabe eta familientzat Barakaldoko Gurutzetan arnasgune izango den itxaron gela eraikitzera bideratuko da. Maiatzaren 20ko jaian Gernikan ikusiko dugu elkar!
Hauxe Oizmendi telebistak eskainitako prentsaurrekoaren albistea (03:04. minututik aurrera Jon taldeko abeslariak eskainitako adierazpenak):
Ekimenaren berri beste hainbat komunikabidetan:
GAZTEA
‘Gu be zuek gara’ egitasmo solidarioak musikaz jantziko du Gernika
BUSTURIALDEKO HITZA
Marea urdinak ekintzaz beteko du maiatzaren 20a
DEIA
Gernika se teñirá de azul por el cáncer infantil
EL CORREO
Gernika cierra filas por los niños con cáncer
Zeren zain zaude? Gu martxan gara!
Gogotsu, oso gogotsu, horrela sentitzen ginen denboraldia hasi baino lehen, eta horrela sentitzen gara orain ere, hasiera-tiroa eman eta asteburuz asteburu, plazaz plaza zuen artean gozatzen arituko garela jakinda!
Denboraldi hasiera ezin hobea izan dugu Matienan eta Gatikan, eta datozen kontzertuetarako adi ibili gure Sare Sozialei zein webguneko Agenda atalari ere, ea zure etxetik gertu elkartzeko aukerarik dugun!
Denboraldi honetan eskainiko ditugun erromeria guztien kronika ezin izango dugu gure txoko honetatik egin, horregatik gure Facebook, Instagram eta Twitter kontuak jarraitzera gonbidatu gura zaituegu.
Kontzertu guztien berri banan-banan ezin dizuegu eman, ados, baina laster maiatzaren 20an eman beharreko kontzertu oso berezi baten berri emango dizuegu… Adi gure hurrengo sarrerari!
Gatikako kontzertuko irudi bat, Aitzol Zamalloak aterata.
Hasteko prest gaude!
Adi lagunok!!! Aste Santuaren ostean konfirmatutako lehenengo datak argitaratuko genituela hitz eman genizuen, ezta? Bada, esan eta egin! Hementxe dituzue une honetan argitaratu ditzakegun lehenengo kontzertuen datak! Baina egiguzue kasu: hau hasiera baino ez da! Askoz gehiago bidean dira!
Eta zuek ere, zuen herriko plaza hankaz gora kantuan eta dantzan ikusi gura baduzue, gurekin harremanetan jartzea baino ez duzue. Oraindik garaiz zaudete!
Deitu edo idatzi lasai hemen klik eginda.
